ब्राजिलले विश्वकप जित्ने म्यारोडोनाको भविष्यवाणी, नेइमारलाई फाउल गर्नु लज्जासपद भएको

२० असार २०७५, काठमाडौँ

अर्जेन्टिनाका महान खेलाडी डिएगो म्यारोडोनाले रसिया विश्वकपको उपाधि ब्राजिलले जित्ने भविष्यवाणी गरेका छन् । उनले विश्वकपमा ब्राजिलले गरिरहेका प्रदर्शन हेर्दा उपाधि जित्ने सम्भाना धेरे रहेको बताएका हुन् । ‘म यो विश्वकपको मजा लिइरहेको छु । मलाई लाग्छ ब्राजिल निकै बलियो छ र उनीहरु उपाधिको यात्रामा छन् ।’

उनले नेइमार माथि भइरहेका फाउलको आलोचना समेत गरेका छन् । अन्तिम १६ मा मेक्सिकोसँगको खेलमा नेयमार लयमा देखिएका थिए । पछिल्ला चार खेलमा उनी त्यसमा बढी प्रभावकारी मानिएको छ ।

सोही खेलमा नेइमारले विपक्षी खेलाडी फाउलमा बढी अभियन गरेको भन्दै आलोचना भइरहँदा म्यारोडोनाले भने फाउलको आलोचना गरेका हुन् । ब्राजिलले २–० ले जितेको खेलमा मेक्सिकन खेलाडीले लगातार फाउल गरिरहेका थिए ।

‘उनले हामीलाई कि त रुवाउछन् की त हसाउँछन् । मेक्सिकन खेलाडीले उनलाई जति बेला रोक्थ्ये म रुन चाहन्थे । तर उनी जति बेला बल लिएर अघि बढ्ने मलाई हाँस्न मन लाग्थ्यो,’ म्यारोडोनाले भनेका छन् ।