१२ असार २०७५, इटाली
इटालीका लागि गैरआवासीय राजदुत दीपक धितालले पिस वेल फाउण्डेशनका प्रमुख संरक्षक प्रोफेसर सिनेटर एल्बेर्टाेलाई नेपाली झण्डा हस्तान्तरण गर्नुका साथै एक विशेष कार्यक्रममा नेपाली झण्डा फहराईएको छ ।
इटालीको ट्रेण्टो प्रदेशको रोभेरेटो शहरमा नेपालको झण्डा दुई हप्तासम्म घण्टको सामुन्ने छुट्टै फहराईनुका साथै पिस वेलको सामुन्ने नेपाली र इटालियन साँस्कृतिक नृत्य तथा संगीत प्रस्तुत गरिएको जेनेभास्थित नेपाली दूतावासले जानकारी दिएको छ ।
झण्डा फहराउने कार्यक्रममा बोल्दै फाउण्डेशनका प्रमुख संरक्षक प्रोफेसर सिनेटर रोबोलले मारिया डोलेन्समा झण्डा स्थापना गर्ने ९६ औं मुलुकका रुपमा नेपाललाई स्वागत गरेका थिए ।
उनले नेपाल र नेपालीप्रति इटालीका जनतामा अत्यन्त ठूलो सद्भाव र मित्रता रहेको बताउँदै नेपालको झण्डा उक्त स्थानमा स्थापना भएपछि प्रतीकात्मक रुपमा दुई मुलुकका जनता अझै निकट भएको बताए ।
कार्यक्रममा नेपालको राष्ट्रिय झण्डोत्तलनपछि सय पटक घण्ट बजाई इटालीको राष्ट्रिय गान बजाएर सम्मान दर्शाइएको थियो ।
