११ केजी तौल घटाईन नायिका करिश्माकी छोरी कविताले

२७ जेठ २०७५, काठमाडौं

‘एउटा यस्तो प्रेम कहानी’बाट नेपाली चलचित्र क्षेत्रमा नायिकाको रुपमा डेब्यू गर्न लागेकी सदाबहार नायिका करिश्मा मानन्धरकी छोरी कविताको फिगरमाथि धेरैले प्रश्न गर्ने गर्थे । मोटो जिउडाल भएकाले नायिकामा नसुहाउने भन्दै कतिले कुरा पनि काटे ।

शनिवारको एक कार्यक्रममा झुल्किएकी नव नायिका कविताको फिगरमा आएको परिवर्तनले धेरै अचम्मित बने । कार्यक्रममा बेग्लै देखिएकी उनी फ्याटबाट फिट बन्ने क्रममा छिन् । डेब्यू चलचित्र छायाँकनको सुरुवातदेखि आजसम्म आफू ११ केजी दुब्लाएको उनले बताएकी छिन् । दुब्लाएपश्चात कविताको आत्मविश्वास पनि बढेको देखिन्छ ।