०१ जेठ २०७५, काठमाडौं
नायक शिव श्रेष्ठले निर्माण गर्न लागेको चलचित्र ‘एउटा यस्तो प्रेम कहानी’बाट नेपाली रजतपटमा सदाबहार अभिनेत्री करिश्माकी छोरी कविता मानन्धरले डेव्यू गर्ने भएकी छिन् ।
यसै चलचित्र मार्फत अभिनेता शिव श्रेष्ठका छोराले पनि डेव्यू गर्दैछन् ।लामो समयदेखि अध्ययनको शिलशिलामा अमेरिकामा रहेकी कविताले यसअघि आमाको होम प्रोडक्शनबाट नेपाली सिने क्षेत्रमा भित्रिने चर्चा चलेको थियो ।
आमा करिश्माका कारण कवितालाई फिल्ममा अगाडि बढ्न धेरै मुश्किल त नहोला तर आमा जस्तै सफल हुन भने उनको थोरै मिहिनेतले पुग्दैन । प्रतिस्पर्धाको बजारमा उनले आफूलाई फिट राख्न अभिनयमा राम्रै पसिना चुहाउनु पर्ने हुन्छ । यसमा उनी कति सफल हुनेछिन् त्यो भने हेर्न बाँकी छ ।
यस चलचित्रको निर्देशन दीपेश सापकोटाले गर्ने भएका छन् ।
