३० वैशाख २०७५ काठमाडौं
नेपाल भ्रमणमा रहेका भारतीय प्रधानमन्त्री मोदीलाई भाजपाका पूवसांसद कीर्ति आजादले जनकपुर फिर्ता माग्न गरेको विवादास्पद ट्वीट प्रति प्रचण्डले आपत्ति जनाएका छन् ।
काठमाडौंस्थित हायातमा भएको भेटवार्तामा प्रचण्डले मोदीसँग आजादको अभिव्यक्ति नेपाल–भारत सम्बन्धको हित विरुद्ध रहेको बताए । यस्तो भ्रामक र हानिकारक प्रचारले दुवै देशलाई फाइदा नहुने उनको तर्क रहेको थियो ।
भेटको क्रममा प्रचण्डले मोदीसँग नेपालको समग्र विकास समृद्धिमा सहयोग गर्नपनि आग्रह गरेका थिए ।
