सिन्धुलीमाढी, १४ बैशाख २०७५
देशभर अभियानकै रुपमा रहेको खुल्ला दिशामुक्त घोषणा कार्यक्रम अनुसार सिन्धुली जिल्लालाई खानेपानी तथा सरसरफाई मन्त्री विना मगरले ४९ औँ खुल्लादिशा मुक्तजिल्ला घोषणा गरेकी छन् ।
राष्ट्रिय सरसफाई गुरुयोजना २०६८ अनुरुप ‘एक घर एक चर्पी’ प्रर्वधन गरी जिल्लामा ५९ हजार ९८ वटा चर्पी निर्माणमा सहयोग गरेपछि जिल्लालाई खुल्ला दिशामुक्त घोषणा गरिएको हो । सिन्धुलीमा ५८ हजार ७ सय ९६ घरधुरी मध्ये ५८ हजार २१० व्यक्तिगत, ५८१ विधालयका, २९३ संयुक्त र १४ सार्वजनिक सौचालय निर्माण भएको जिल्ला खानेपानी तथा सरसफाई डिभिजन कार्यालयले जनाएको छ ।
पूर्ण सरसफाई मार्गदर्शक निर्देशक २०७३ निर्माण भइसकेकाले “सफास्वच्छ वातावरण घरआगनमा चर्पी र धारा : सुन्दरसफा सिन्धुली हाम्रै अभिभारा ” भन्ने मुल नाराका साथ सरसफाई सम्बन्धि विविध कार्यक्रम जारी रहने कार्यालयका प्रमुख ध्रुवदेव प्रसाद कुम्हालले जानकारी दिए ।
