काठमाडौँ, १३ माघ
बुनपा ११ को कार्यालयमा विपन्न वर्ग तथा महिलाहरु लक्षित गरि अचार तथा गुडिया बनाउने तालिमको उद्घाटन समारोह सम्पन्न भएको छ ।
कार्यक्रमका प्रमुख अतिथि वडाध्यक्ष राजु अधिकारीले पानसमा दीप प्रज्वलन गरी कार्यक्रमको समुद्घाटन गर्नुभएको थियो । उहाँले निम्न आय भएका व्यक्तिहरुलाई बढि जोड दिने र सिकेका सीपहरुलाई बाहिरी व्यवहारमा उतार्न र सात दिन सम्म ध्यान दिएर राम्रो सँग सिक्न जोड दिनुभएको थियो ।
भित्रै देखि ईच्छा हुनेले सिक्न र सिकेर केहि गर्छु भन्नेहरुको लागि तालिम लिदा राम्रो हुने तथा सिक्नेहरुले घरमा, वडामा मात्र नभएर व्यवसायिक रुपमा अगाडी वढ्दै परिवर्तनको लागि देशव्यापि रुपमा अगाडी वढ्ने कुरा वडासदस्यहरुले गर्नुभयो । उत्पादन गर्दै अगाडी बढाउन र बजारीकणको लागि पनि अनुकुल वातावरण बनाउने समेत बताउनुभयो ।
बुढानिलकण्ठ नगरपालिका वडा नं. ११ र संजिवनी सोसाईटिको सहकार्यमा ७ दिने अचार र १५ दिने गुडिया बनाउने तालिम आजै देखि सुरु गरिएको छ ।
