काठमाडौं, २७, पुस : राष्ट्रिय एकता दिवस तथा पृथ्वी जयन्तीको अवसरमा नेकपा एमालेका अध्यक्ष केपी शर्मा ओलीले पृथ्वीनारायण शाह राष्ट्रको गौरव रहेको र उहाँकै कारण आज हामी नेपाल र नेपाली भनेर गर्व गर्न पाइएको बताएका छन् ।
“विभिन्न टुक्रामा विभाजित यस भूगोललाई एकिकरण गरेर नेपालको स्वरुपमा बदल्ने योगदान तत्कालीन राजा पृथ्वीनारायण शाहको नेतृत्वमा हाम्रा पिता पुर्खाहरुले गरेका हुन् । जसका कारण आज हामीले नेपाली भनेर गर्व गर्न पाएका छौं । इतिहासको यस संरचनालाई बेलाबखतमा विभिन्न तत्वहरुले विखण्डन गर्न पनि नखोजेका होइनन् । तर नेपालीहरुले यस्ता प्रयासलाई सजिलै परास्त गरेर अखण्ड नेपालको रुपमा कायम राखेका छन्,” शुभकामना सन्देशमा भनेका छन् ।
