परिवर्तन खबर, काठमाण्डौ
भोट माग्न मतदाताका घरदैलो हिडेका क्षेत्र नम्बर ४ प्रदेस १ का उम्मेदवार निर्मल कुइँकेल मंगलवार खगेन्द्र संग्रौलाको निवास पुगेका छन् । राजनीतिक बिश्लेसक तथा चर्चित लेखक संग्रौलाको चाबहिल स्थित निवासमै पुगेर बाम गठबन्धनका उम्मेदवार कुइँकेलले मत मागेका हुन् । घरभित्र रहेका संग्रौलालाई जब आँगनमा बोलाइयो तब घरदैलोमा सरिक गठबन्धनका कार्यकर्ता तथा नेताहरु संग्रौलाले के भन्लान् भन्ने पर्खाइमा थिए । तर संग्रौला मुसुक्क हासेर केहि नबोली हात जोडेर अभिवादन गर्दै बंगैचातर्फ लागे, लहरै फुलेका मध्ये केहि थुंगा फुल टिपे र कुइँकेलको हातमा राख्दै शुभकामना दिए । “घरदैलोमा हुनुहुन्छ, हतार छ, म रोक्दिन तर जतिदीन बाकि छ धेरै मिहिनेत गरौँ है ! धेरै खटौ है ! मिहिनेतले परिवर्तनलाई सम्भव तुल्याउछ” संग्रौलाले कुइँकेलको हात थाम्दै भने । मिहिनेत गर्दै गर्दा, जनताको घरदैलो पुग्दै गर्दा आफ्नो स्वास्थ्यको पनि ख्याल राख्न उनले सुझाए र उम्मेदवार कुइँकेलले शालीनताका साथ उनको सुझाव स्वीकार गरे ।
काठमाडौं क्षेत्र नम्बर ४ को प्रदेश सभा १ का बाम गठबन्धनका साझा उम्मेदवार निर्मल कुइँकेलले मतदाताको घर घर पुग्ने अभियानलाई तिब्रता दिएका छन् । कार्यकर्ताको बाक्लो उपस्थितिका बीच कुइँकेल निरन्तर घरदैलो अभियानमा व्यस्त रहेका छन् ।
