तीन करोड ठगेको आरोपमा स्कूल सञ्चालक पक्राउ



झण्डै तीन करोड ठगी गरेको आरोपमा प्रहरीले ओलम्पिया वल्ड स्कूलका सञ्चालक शिरिष खड्का र सुरेन्द्र महर्जनलाई आज काठमाडौँबाट पक्राउ गरेको छ । उनीहरुमाथि कोटेश्वरमा रहेको दुई रोपनी १४ आना जग्गा बिक्रिका लागि रु.दुई करोड ७५ लाख बैना दिएर जग्गा नदिई रकम ठगी गरेको आरोप छ । उनीहरुले पिडितलाई बैना रकम समेत फिर्ता नगरेपछि ठगी मुद्धामा परेको उजुरीका आधारमा पक्राउ गरिएको महानगरीय प्रहरी परिसरका प्रवक्ता प्रमेश विष्टले जानकारी दिए ।

उक्त जग्गा अन्य बैंकमा रोक्का रहेको अवस्थामा ठगी गर्ने उद्देश्यले नै बैना गरेको पाइएको प्रहरी नायब उपरीक्षक विष्टले बताए । उनीहरुविरुद्ध गत बर्षको फागुनमै उजुरी परेपनि आवश्यक अनुसन्धान प्रक्रिया पूरा गरी आज पक्राउ गरिएको प्रहरीले जनाएको छ । उक्त घटनामा संलग्न रहेका अन्य चार जना फरार रहेको र उनीहरुको खोजी जारी रहेको जनाइएको छ ।

प्रतिक्रिया दिनुहोस्