नेपाल आइडल सिजन ३ अब चाडै नै सकिदैँ छ । यसपटक नेपाल आइडल सिजन ३ कोरोनाका कारण बिचमा थुप्रै समय रोकियो । तर अहिले फेरि नेपाल आइडल पुनः प्रशारणमा आउन थालिसकेको छ । अब अर्को हप्ता नेपाल आइडल सिजन ३ को फाइनल हुदैँछ ।
फाइनलमा किरण कुमार भुजेल, सज्जा चौलागाई र प्रविन बेडवाल पुग्न सफल भएका छन् । किरण कुमार भुजेल नेपाल आइडल सिजन ३ को उत्कृष्ट ७ बाट नै बाहिरिएका थिए । पछि वाइल्ड कार्ड मार्फत उनले अत्याधिक भोट पाएर फेरि नेपाल आइडल मा भित्रने अवसर पाए ।
आफ्नो कडा मेहेनत त छदैँ छ त्यसका साथै दर्शकको साथ र भोटका कारण आज किरण फाइनलमा पुग्न सफल भएका छन् । नेपाल आइडलको यहाँसम्मको यात्रा किरणको लागि सजिलो भने पक्कै पनि थिएन ।
मान्छे हेरेर उसको जीवनको वास्तविकता कसैले पनि बुझ्न सक्दैन । किरणलाई पनि हेर्दा उनी निकै संघर्ष गरेर आएको जस्तो नदेखिएला । तर आज यो स्थानसम्म आइपुग्नको लागि उनले १२ बर्षदेखि मेहेनत गरिरहेका छन् ।
नेपाल आइडल को फिनालेमा पुगेपछि किरणले सामाजिक सञ्जालमा निकै भावुक स्टाटस लेखेका छन् । उनले आजभन्दा १२ बर्ष अगाडी गायक बन्ने रहरले आफू काठमाडौँ भित्रिएको र १२ बर्षको निरन्तर मेहेनतपछि आफूले यत्तिको सफलता पाएको बताएका छन् ।
सांगितीक क्षेत्रमा रुचि भएका कारण काठमाडौँ छिर्ने बित्तिकै उनी संगीत पढ्नको लागि काठमाडौँको ललित कला क्याम्पसमा भर्ना भए । काठमाडौँमा बस्न खान त्यति सजिलो छैन । यहाँको महंगीमा आफूलाई पाल्न किरणलाई सजिलो थिएन । त्यसैले सुरुसुरुमा उनले बच्चाहरुलाई स्कुलमा पढाउने, होटलमा गीत गाउने जस्ता कामहरु गरेका थिए ।
आफ्नो सपना पुरा गर्न नेपाल आइडल सिजन ३ भन्दा पहिले उनी खोजी प्रतिभाको, नेपाल आइडल सिजन १, सारेगमपा मा नेपालबाट सेलेक्ट भएर इन्डिया समेत पुगे तर उनको यात्रा धेरै लामो जान सकेन । एकपटक त उनले हार मानेर विदेश जाने निर्णय समेत गरिसकेका थिए । तर फेरि १२ बर्षको आफ्नो मेहेनत सम्झेर उनले हार मान्न चाहेनन् । आज दर्शकबाट यतिधेरै माया पाउँदा किरण दंग छन् । उनले आफूलाई भोट गर्ने दर्शकलाई धन्यवाद दिएका छन् भने अब नेपाल आइडलको बिजेता बनाउन आफूलाई धेरै भन्दा धेरै भोट गर्न पनि आग्रह गरेका छन् ।
किरणको स्टाटस जस्ताको तस्तै–
