कोरोनाको कारण नेपालमा पनि लकडाउन भयो । लकडाउन भएपछि फिल्म क्षेत्र ठ्याप्पै बन्द भयो । तर गसिपमुक्त भने हुन सकेन । गएको ४ महिनामा नेपाली चलचित्र क्षेत्रमै थुप्रै काण्ठहरु आए ।
कहिले बर्षा राउत त, कहिले दिपाश्री निरौला, कहिले भुवन साम्राज्ञी विवाद त कहिले पूजा प्रकाशको झगडा । फिल्म क्षेत्र कत्तिपनि सेलाएन यस लकडाउन बिच । सबैजना फुर्सदमा भएका कारण पनि कलाकारले धेरै आलोचना खेप्नुपर्यो ।
एउटा विवाद सेलाउन नपाउँदै यहाँ अर्को विवाद उत्पन्न भएकै छ । अहिलेकै कुरा गर्ने हो भने पनि पूजा र प्रकाशको विवाद सेलाउन नपाउँदै नायिका प्रियंका कार्कीले एक मिडियाले उनको बारेमा लेखेको कुरामा आपत्ति जनाएकी छिन् ।
उनले आजभोली चलचित्र जगतमा महिला कलाकारको इज्जत गर्न छोडिएको भन्दै गुनासो पोखेकी छिन् ।
एक सञ्चारमाध्यमले विवाह अगाडि विग्रिएकी अभिनेत्री प्रियंका कार्की विवाहपछि संस्कारी भएको भनेर प्रकाशन गरेको समाचारप्रति महिला कलाकारहरुले विरोध जनाएका छन् । उक्त समाचारप्रति असन्तुष्टि व्यक्त गर्दै प्रियंकाले फेसबुकमा लामो स्टाटस लेख्दै महिला कलाकारहरु निरन्तर साँघुरो मानसिकताको शिकार भएको देख्दा चिन्ता लाग्ने गरेको बताएकी छन् ।
हुन पनि एक महिलाको चरित्र उसले लगाएको कपडा र उसले फेसबुकमा अपलोड गरेका तस्बिरले तय गर्न सक्दैन । यो सरासर गलत हो । स्वतन्त्र भएर बाँच्न पाउने अधिकार सबैलाई छ । छोटो कपडा लगायो भन्दैमा कुनैपनि नायिकालाई संस्कारी छैन भन्ने वाक्य प्रयोग गर्नु नै अनुचित छ ।
प्रियंकाले महिला कलाकारहरु सम्मानको लायक छैनन् ? भन्दै प्रश्न पनि गरेकी छिन् । उनको प्रश्न जायज छ । प्रियंकाभन्दा अगाडी पनि केही नायिकाले लगाएको पहिरनकै आधारमा उनीहरुको चरित्रमाथि प्रश्न उठाइएको छ । यसबारे नेपाली चलचित्र क्षेत्रका महिला कलाकारले प्रियंकाले जस्तै आवाज उठाउन आवश्यक छ ।
प्रियंकाको स्टाटस जस्ताको तस्तै-