३० असार २०७७, काठमाडौँ
बलिउड अभिनेत्री रेखाको मुम्बईस्थित घरलाई पुरा सील गरिएको छ । वास्तवमा रेखाको घरमा काम गर्ने ३ जना कामदारमा कोरोना पोजेटिभ देखिएपछि उनको घरलाई सील गरिएको हो ।
हाल उनी होम क्वारेन्टिनमा छिन् र उनलाई केही समयसम्मको लागि क्वारेन्टिनमै रहनको लागि आग्रह गरिएको छ ।
रेखा मुम्बईको बान्द्रामा रहेको सी स्प्रिङ्ग्सकी मालिक हुन् । उनको बंगलामा तीन व्यक्तिमा कोरोना संक्रमण भएको पत्ता लागेपछि बृहन्मुम्बई नगर निगम ९बीएमसी० ले शनिबार यो बंगलालाई सील गरेको छ । बीएमसीले यो परिसरलाई कन्टेन्टमेन्ट जोनको रुपमा घोषणा गर्ने एउटा बोर्ड पनि लगाएको छ ।
