१० असार २०७७, काठमाडौँ
यतिबेला सामाजिक सञ्जालमा अभिनेता रणबीर कपुरले एक अन्तवार्तामा बोलेको कुरा निकै नै भाइरल भैरहेको छ । वास्तवमा अभिनेता सुशान्त सिंह राजपुतको निधनपछि बलिउडमा परिवारवाद र नातावादको निकै नै चर्चा चलिरहेको छ ।
यसमा निर्देशक तथा निर्माता करण जौहर सबैभन्दा धेरै विवादमा परेका छन् । उनलाई आफ्नालाई मात्र चलचित्रमा लिने गरेको आरोप लागेको छ । रणबीरले पनि करणलाई लिएर केही भनेका थिए । अहिले त्यहि कुरा नै चर्चामा आएको छ ।
एआईबीलाई दिएको अन्तरवार्तामा रणबीरले करनले सोधेको प्रश्नको जवाफ दिएर आफूहरु फस्ने गरेको खुलासा गरेका थिए । रणबीरलाई सोधिएको थियो, ‘के तपाईं कफी विद करणमा जाँदाजाँदा थाक्नु हुन्न रु’ तब रणबीरले उत्तर दिएका थिए, ‘हो, म थाकिसकेको छु ।
मैले भनिसकेको पनि थिएँ कि म यो शोको हिस्सा बन्न चाहन्नँ तर मलाई जबर्जस्ती बोलाइयो । म र अनुष्का शर्मा त करनले जे गरिरहेका छन् त्यो गलत हो भनेर देखाउनका लागि पूरा इन्डष्ट्रिसँग मिलेर विरोध गर्ने तयारीमा थियौं । करनले त शोबाट पैसा कमाउँछन् तर हामीले जति पनि जवाफ दिन्छौं त्यसकारण हामीलाई निशाना बनाइन्छ । करणको उपहारमा पनि आइफोनबाहेक खासै केहि पनि हुन्नँ ।’
