०४ जेठ २०७७, काठमाडौँ
बलिउडकी चर्चित नायिका अनुष्का शर्माले निर्माण गरेको सिरियल पाताल लोक का कारण अहिले अनुष्का विवादमा आएकी छिन् ।
उक्त सिरियलको एक एपिसोडमा नेपाली नाम जोडेर निकै तुच्छ गाली गरिएको छ । सिरियलमा एक महिलालाई गाली गर्नका लागि निकै तल्लो स्तरको शब्द प्रयोग गरिएको छ ।
यसमा प्रलक्ष नामका एक व्यक्तिले निकै लामो पोष्ट लेख्दै अनुष्का शर्माबाट माफी मागेका छन् । इन्स्टाग्राम पोस्टमा उनले लेखेका छन्, ‘एउटा सार्वभौम राष्ट्रका निकै मिहिनेती समुदायका लागि यस्तो शब्दको प्रयोग गर्न कसरी आँट गर्यौ रु म एक भारतीय गोर्खा हुँ मैले यो यसकारण लेखेँ किनभने यसले मलाई दुःखी बनायो । मेरी आमा र दिदी बहिनीले यस्तै चित्रणका कारण विभिन्न समस्या भोग्नुपरेको छ र तिमीहरुले घाउमा नुन खुर्सानी दल्ने काम गरिरहेका छौ ।’
त्यसका साथै ती व्यक्तिले अनुष्काले उक्त डाइलग हटाइ माफी माग्नुपर्ने माग समेत गरेका छन् । हुन पनि कसैले सिरियलमा हाम्रो देशको नाम प्रयोग गरेर तुच्छ गाली गर्नु राम्रो कुरा होइन । अहिले अनुष्काको यहि कारणले चौतर्फी विवाद भैरहेको छ ।
