पार्टी गरेको भिडियोबारे आफ्नै आलोचना गर्दै रविले दिए यस्तो स्पष्टिकरण



०३ जेठ २०७७, काठमाडौँ

केहीदिन यता चर्चित सञ्चारकर्मी रवि लामिछानेको सामाजिक सञ्जालमा आलोचना भैरहेको छ । अचानक सामाजिक सञ्जालमा रवि लामिछाने लगायत केही कलाकारले एकसाथ बसेर खाना खाइरहेको भिडियो भाइरल भएपछि रविको आलोचना सुरु भएको हो ।

हुन त रविसँगै भिडियो अन्य कलाकार पनि थिए । तर रविकै चर्को आलोचना भयो । यसबारे सामाजिक सञ्जालमा स्टाटस लेख्दै रविले स्पष्टिकरण दिएका छन् । हुन त रविभन्दा अघि नै दिपकराज गिरीले वास्तविकता बताएका थिए । रविले पुनः त्यहि कुरा दोहोर्याएका छन् ।

रविले आफ्नो च्यानलमार्फत आफ्नै आलोचना गर्दै अब आफू सुरक्षित रहने बताएका छन् । हुन त उनले त्यसबेला खासै कुनै तमझम गरेर पार्टी भने आफूहरुले नगरेको बताएका छन् । साथै रविले कोरोना संक्रमित नेपालमा दिनानुदिन बढ्दै गएकाले सबैलाई सुरक्षित रहन अपिल गरेका छन् ।

रविको स्टाटस जस्ताको तस्तै

खाना खाएको फोटोमा चर्चा चलेछ। पार्टी गरेको होइन,रमझमपनि होइन,सार्वजनिक स्थानमा भिड्भाड जम्मा गरेको पनि होइन।अत्यन्त सजग र सचेत हुँदै चिने जानेका साथीहरूको आग्रहमा,महत्त्वपूर्ण सल्लाह र छलफल सके पछि घर भित्रै ६/८ जना मात्रै भएको स्थानमा पाकेको/पकाएको खाना खाएका हौ।हामीले आफ्नो घरमा कसैलाई बोलाएर भोज,भतेर वा जमघट गरेका होइनौ।काम पछि, छलफल सकिए पछिको सामान्य खाना हो,साथीले श्रद्दाले पस्केर दिएको खाना।रमाइला साथीहरू भेट्दा र फोटो खिच्दा २ इन्ची बढी जरुर हासियो,गल्ती चाहिँ आवश्यक दुरि कायम गरिएन।भएको चाहिँ यत्ति हो।अस्तिबाट संक्रमितको संख्या बढेपछी हिजो कै कार्यक्रममा आफ्नै आलोचना गरेको छु।लकडाउनको शुरूवातका दिनमा जस्तो होसियार भैएन, हेलचेक्राइ गरियो,आज बाट म त सचेत हुन्छु तपाइ पनि सजग हुनुहोस् भनेको छु।सायद जसलाई माया गरिन्छ उसै बाट अपेक्षा गरिन्छ त्यसैले अन्यथा पटक्कै लिएको छैन।सबै आलोचनाहरुलाई स्विकार्दै आगामी दिनमा अझै बढी जिम्मेवार,सजग र सचेत हुने प्रयास गर्नेछु।आजपनि बिहान ७ बजेदेखि साझ ७ बजेसम्म स्टुडियो भित्र थिए। काम बाट ब्रेक लिएर आजपनि साथीहरूसँगै खाना खाएको छु,तर भोज वा पार्टी गरेको छैन, होइन । धन्यवाद !

प्रतिक्रिया दिनुहोस्