२६ चैत्र २०७६, काठमाडौँ
बलिउडका सुपरस्टार सलमान खानले केहीसमय अघि लकडाउनका कारण काम नपाएपछि समस्यामा परेका २५ हजार मजदुरहरुलाई सहयोग गर्ने जिम्मा लिएका थिए ।
भारतीय मिडियाका अनुसार फेडरेशन अफ वेस्टर्न इन्डिया सिने इम्प्लोइज ९एफडब्ल्यूआइसीई० ले १९ हजार श्रमिकको खाता विवरण प्राप्त गर्यो । तीमध्ये केही श्रमिकले स्वेच्छाले आफ्नो आर्थिक स्थिती महामारीसँग जुध्नका लागि स्थिर भएको बताउँदै एफडब्ल्यूआईसीईसँग पैसाको आवश्यकता पर्नेहरुलाई सहयोग गर्न अपिल गरेका छन् ।
यतिबेला सलमान समक्ष १६ हजार मजदुरहरुको विवरण पुगेको छ । किनकी १९ हजार मजदुरहरुमध्ये ३ हजार मजदुरलाई एसराज फिल्मसले नै सहयोग गरिसकेको छ । जसका कारण अब सलमानले १६ हजार मजदुरहरुको खर्च बेहोर्ने छन् । सलमानले ती मजदुरहरुको लागि पैसा पठाउन सुरु समेत गरिसकेका छन् ।
