१८ चैत्र २०७६, काठमाडौँ
कोरोना भाइरसका कारण समस्यामा परेका व्यक्तिको सहयोगको लागि भारतीय सरकारले राहत कोष खडा गरेको छ । जहाँ विभिन्न सेलिब्रेटीहरुले सहयोग गरिरहेका छन् । तीमध्ये अहिलेसम्म सबैभन्दा धेरै रकम दिने अभिनेतामा अक्षय कुमार परेका छन् । अक्षयले कोरोना प्रभावित व्यक्तिको लागि २५ करोड सहयोग गरेका छन् ।
अक्षयकी श्रीमती ट्वीकल खन्नाले ट्वीटरमा ट्वीट गर्दै अक्षय आफ्नो श्रीमान भएकोमा गर्व लागेको बताएकी छिन् । उनले अक्षयले २५ करोड सहयोग गर्न लाग्दा यति धेरै रकम साच्चै दिने हो त ? भनेर प्रश्न गरेकी थिइन् । जहाँ अक्षयले जवाफमा उनलाई भनेका थिए, सुरुवाती दिनमा मसँग केही थिएन । तर आज म सम्पन्न छु, म ति व्यक्तिलाई कसरी सहयोग नगरी बस्न सक्छु जोसँग केही छैन ।
अक्षयको यस्तो कुरा सुनेर ट्वीकलले आफूलाई निकै खुसी लागेको बताएकी छिन् । साथै उनले अन्य कलाकारलाई पनि यस्तो अवस्थामा देशलाई आफूले सकेजति सहयोग गर्न अनुरोध गरेकी छिन् ।
