२६ भदौ २०७६, काठमाडौं
क्यानाडाको मिसासागा सहरको सिटि बसमा सगरमाथा, कुमारी, लुम्विनी पशुपतिनाथ, पोखरा, सुदूरपश्चिम प्रदेशको खप्तड, बडिमालिका, अपि सैपाल हिमाल लगायतका तस्वीर राखी ‘भिजिट नेपाल २०२०’ अभियानको प्रचार प्रसार थालिएको छ ।
नेपाल प्रमोसन नाम दिइएको सो कार्यक्रमको उद्घाटन रिभरउड पार्कमा पञ्चकन्यासहित मिसिसागाका सांसद दीपक आनन्दले गरेका थिए ।
उनले नेपाल पर्यटन बोर्ड क्यानाडा र क्यानाडा नेपाल पर्यटन सांस्कृतिक व्यापार मंचको आयोजनामा १० वटा सिटि बसमा सुदूरपश्चिमसहित नेपालका ७ वटै प्रदेशका प्रमुख पर्यटकीय गन्तव्यस्थलका तस्वीरहरु राखी प्रचार गरिएको बताए ।
कार्यक्रमका सभापति तथा नेपाल पर्यटन बोर्ड क्यानाडाका मानार्थ प्रतिनिधि नरबहादुर टण्डनले दुई महिनासम्म बसमा प्रचारप्रसार हुने अभियानमा सवैले साथ दिनुपर्ने बताए ।
(फोटो साभार : रामकाजी मोक्तान)