२५ भदौ २०७६, काठमाडौं
नेपालका युवा मोटीभेस्नल स्पिकर तथा काउन्सेलरका रुपमा चिनिएका शिवांग दत्त १४–१५ सेप्टेम्बरमा आयोजना हुने अन्तर्राष्ट्रिय युवा फोरममा भाग लिन चेन्नई जाने भएका छन् ।
चेन्नई अन्तर्राष्ट्रिय युवा फेस्ट तथा अन्तर्राष्ट्रिय युवा फोरमको संयुक्त आयोजना तथा भारत सरकारको सहयोगमा हुन् गईरहेको “अन्तराष्ट्रिय युवा फोरम–२०१९“ मा शान्ति राजदुतको रुपमा दत्त नेपालबाट जाने भएका हुन् ।
शान्ति, सामाजिक समानता, मानव अधिकार तथा विकास सम्बन्धि यस अन्तर्राष्ट्रिय फोरममा २० भन्दा बढी देशबाट २५० जना सक्रिय युवाको उपस्थिति रहने छ ।
महिला तथा बालबालिका हिँसा बिरुद्ध “STOP VIOLENCE : A CHANGE FOR A CHANGE“ नाम गरेको प्रोजेक्टका प्रमख दत्तको सामाजिक क्षेत्र मात्र नभई साहित्य क्षेत्रमा समेत उपस्थिति रहेको छ । उनका लेखहरु बिभिन्न पत्रपत्रिकामा समेत प्रकाशित भइसकेका छन् ।
इन्जिनियरिङ पढिरहेका तथा पढाईमा सधै उत्कृष्ट स्थान हासिल गरेका दत्तले नेपालका बिभिन्न स्थानमा २ दर्जन भन्दा मोटिभेस्न्ल सेसन लिईसकेका छन् ।