२३ भदौ २०७६, काठमाडौं
बहुविवाह गरेको भन्दै परस्त्रीसँग खिचिएका अर्धनग्न तस्वीर श्रीमतीले फेसबुक मेसेन्जरमा फेला पारेपछि प्युठान जिल्लाको गौमुखी गाउँपालिका अध्यक्ष विष्णुकुमार गिरीलाई आइतबार प्रहरीले हिरासतमा लिएको छ ।
दुई छोरीका पिता गिरी आफ्नै श्रीमतीले दिएको उजुरीका आधारमा समातिएका हुन् । प्रहरीले अध्यक्ष गिरी र उनकी प्रेमिका दुबैलाई हिरासतमा लिएको हो ।
गाउँपालिका अध्यक्ष विष्णु र युवतीका केही तस्वीरहरु र च्याटमा भएका कुराकानीलाई उनकी श्रीमती सीताले भदौ १० गते हुलाकमार्फत् बहुविवाहको उजुरी प्रहरीमा दायर गरेको प्युठानका प्रहरी प्रमुख डीएसपी नरेन्द्र कार्की बताए ।
हाल दुवैलाई प्रहरी हिरासतमा राखेर अनुसन्धान गरिरहेको प्रहरी प्रमुख कार्कीले जानकारी गराए ।
