३० अषाढ २०७६, काठमाडौं
पानी नपरेको कारण भ्यागुताको विहे गराईदिएका मोरङवासीहरुले भ्यागुताको सम्बन्ध विच्छेद गराइदिएका छन् ।
पानी बढी भएको भन्दै उनीहरुले गत २१ अषाढमा विवाह गराइदिएका भ्यागुताहरुको आइतबार सम्बन्ध विच्छेद गराइदिएका हुन् ।
बुढीनन्दा गाँउपालिका–२ का प्रकाश बानियाँले लिखित रुपमै भ्यागुताको सम्बन्ध विच्छेद गराएका हुन् । यस्तो गर्दा वर्षात र डुबानको समस्या कम हुने विश्वास गरिएको छ ।
लामो समयसम्म खडेरी परेपछि स्थानीयले धार्मिक विधि अनुसार दुई भ्यागुताबीच विवाह गराइदिएका थिए ।
भ्यागुत्ताको सम्बन्ध विच्छेद गराइएको कागज अहिले सामाजिक सञ्जालमा समेत ‘भाइरल’ बनेको छ ।
