०३ असार २०७६, काठमाडौं
लोकसेवा आयोगले स्थानीय तहका विभिन्न पदहरुमा खुलाएको विज्ञापनमा फारम भर्ने उम्मेदवारको चाप अत्याधिक भई सर्भरमा समस्या देखिएपछि एक साताको लागि समयावधि थप गरेको छ ।
यसअघि मंगलबारसम्म फारम भर्ने समायवधि रहेकोमा आयोगले आज एक सूचना जारी गर्दै आगामी असार १० गतेसम्म फाराम भर्न सकिने जनाएको छ । त्यसपछि पनि फाराम भर्न चाहनेले असार १७ गतेसम्म दोब्बर दस्तुर तिरी फारम भर्न सकिने आयोगले सार्वजनिक सूचना मार्फत जानकारी गराएको छ ।