३१ बैशाख २०७६, काठमाडौं
प्रिय मान्छे…..
कुनै दिन यस्तो समय पनि आउँनेछ….
जहाँ बाहिर पार्किङ्गमा तपाईंको नामसँगैं जोडिएको कसैको नाम हुनेछ कारको पछाडी,
म सरासर भित्र जानेछु, तपाईं आफ्नो दुलहीसँग पार्टी प्यालेसको मञ्चमा मुस्कुराउँदै हुनुहुनेछ ।
कुनै दिन म तपाईंको पूर्व–प्रेमीका भएको नाताले तपाईंलाई एउटा रातो गुलाफको गुच्छा दिएर शुभकामना दिनेछु । मेरा हातहरु थर्थरी काप्नेछन्, । मेरा ओठहरु चल्न सक्ने छैनन् !
एउटा गोप्य पत्र हुनेछ मसँग,
म खुसुक्क तपाईंको हातमा थमाईदिनेछु, मेरा आँशुहरु लतपतिएकाले अक्षरहरु स्पष्ट देख्न नसक्नुहोला….
तर, त्यस पत्रमा म सदैव बाँचिरहनेछु ।
म फटाफट त्यहाँबाट निस्किन खोज्नेछु, जब ढोकाछेऊ पुग्छु, तब फरक्क फर्केर हेर्नेछु, तपाईं पनि मलाई नै हेरिरहेको देख्नेछु ।
म देख्नेछु तपाईंको आँखामा केही अंश प्रेम मेरा लागि पनि !
….र म आफुले आफैलाई वाचा गर्नेछु तपाईंको सामु कहिल्यै आउँने छैन भनेर…