०७ बैशाख २०७६, खोटाङ
मुक्तक – १
अदालतको फैसला मान्न छोडेर !
हरे राम लेखेको पहेँलो बस्त्र ओडेर !
मठ-मन्दिर धाउँदैछन् रे भ्रष्टाचारीहरु,
रक्षा गर भगवान भन्दै दुई हात जोडेर !!
मुक्तक – २
देशको लागी सिन्कोसम्म नभाँचेरै बसेपछि ।
सहिदको लासमाथि छमछमी नाँचेरै बसेपछि ।
देश कसरी बन्छ र खै, गर्छु भन्ने मरेर गए,
गर्न नदिने / नचाहनेहरु चाहिँ बाँचेरै बसेपछि ।।
मुक्तक – ३
सुन गुमाएर नुन पाउनुको के अर्थ ?
राष्ट्रियताको गीत गाउनुको के अर्थ ?
देशको तालाचाबी पराइलाई सुम्पिएर,
दौरा सुरुवाल टोपी लाउनुको के अर्थ ??
मुकुन्द कृष्ण थापा
खोटाङ
(मुकुन्द कृष्ण थापा सिभिल इन्जिनियर हुन् । उनी साहित्य क्षेत्रमा समेत कलम चलाउँछन् । )
