०५ माघ २०७५, काठमाडौं
चिकित्सा क्षेत्रमा सुधारको माग गर्दै अनसनरत प्रा.डा. गोविन्द केसीको समर्थनमा चौथो अनसन सम्म साथ दिएका सामाजिक अभियन्ता विजय थापा अहिले उनीसँगै फरक मुद्दामा सत्याग्रह गरिरहेका छन् ।
इलाममा ११ दिनअघि १६ औं अनसन सुरु गरेका डा. केसीसँगै इलाममै दोस्रो सत्याग्रह शुरु गरेका थापा उनीसँगै हेलिकप्टरमा टिचिङ्ग अस्पतालमा अनसनरत रहेका छन् ।
त्रि.बि. शिक्षण अस्पतालमा डाक्टरहरुले डा. केसीको उपचारमा मात्रै ध्यान दिएको भनी हिजो राती माईतीघर मण्डलामा अभियन्ता थापाले सहयोगी सहित खुला आकाशमुनी सत्याग्रह गरे ।
सामाजिक संजालमा उनको सत्याग्रहमा धेरै युवाले साथ दिएपछि गएराति नै उनलाई शिक्षण अस्पताल लगी अहिले विज्ञहरुको निगरानीमा उपचार भईरहेको छ ।
परिवर्तन खबरको टिमले डा. गोविन्द केसी र अभियन्ता थापासँग भेट्न चाहेपनि प्रशासनले भेट्न दिएन ।
थापाको अभियानका सहयोगी पुष्पराज भण्डारीबाट हामीले उनका मागहरु समेटिएको प्रेस विज्ञप्ती प्राप्त गर्याैं । जसमा अधिकांश मागहरु डा. केसीसँग मिल्दाजुल्दा रहेका छन् ।
डा. केसीभन्दा उनका दुई मागहरु फरक देखिए । जसमा :
१. सरकारी तलब भत्ता सेवा सुविधा लिएर राजनीति गर्ने सरकारी कर्मचारीहरुलाई तत्काल सरकारी सेवाबाट बरखास्त गरी कडाभन्दा कडा कारवाही गर ।
२. बंगलादेशबाट डाक्टर पढेर फर्किने क्रममा त्रिभुवन बिमानस्थलमा जहाज दुर्घटनामा मृत्यु भएका १८ जना डाक्टरहरुको पिडित परिवारलाई तत्काल क्षतिपूर्तिको व्यवस्था गर ।
पहिले डा. केसीकै समर्थनमा रहेका अभियन्ता थापा अहिले भने केसीकै विरुद्धमा सत्याग्रह गर्दैछन् ।
अभियन्ता थापाको माग सहितको प्रेस विज्ञप्ती :
यो पनि पढ्नुहोस्
