०३ मंसिर २०७५, काठमाडौं
पछिल्लो समयका पुस्ताहरुमा विभिन्न सकारतात्मक तथा नकारात्मक ट्रेनहरु बढिरहेका छन् । तिमध्येका एउटा असाध्यै चलेको ट्रेन हो, अल्कोहल सेवन, अधिकांश मानिसहरुले यसलाई दैनिक उपभोग गरिरहेका हुन्छन् । तर, यसले शरिरलाई फाईदा भन्दा पनि बेफाईदा बढि गरिरहेको हुन्छ ।
रक्सी पिउनु स्वास्थ्यका लागि हानीकारक छ, यो त सबैले भन्दै आएका हुन् । तर, किन हानीकारक छ, यसले मुख्यरुपमा कहाँ असर पुर्याउँछ, भन्ने कुरा भने खासै जानकारी रहेको पाइँदैन ।
यसैक्रममा पहिलो पटक क्यालिफोर्निया युनिभर्सिटीका एक प्रोफेसरले रक्सीले कहाँ असर पुर्याउँछ, भन्ने तथ्य पत्ता लगाएका छन् ।
रक्सी पिउँदा पेटमा रहेका व्याक्टेरिया लिवर (कलेजो) मा प्रवेश गर्छन् । लिवरमा प्रवेश गरेका ब्याक्टेरियाले विस्तारै त्यसको क्षमता कम गर्न थाल्छन् । जसले सरीरमा रोग प्रतिरोधी क्षमता घट्न थाल्छ ।
युनिभर्सिटी अफ क्यालिफोर्नियाका सेन डिएको स्कूल अफ मेडिसिनका वरिष्ठ लेखक बर्नाड स्कनाबलले भने, ‘रक्सीले मुख्यरुपमा रोगप्रतिरोधी क्षमतामा ह्रास ल्याउँछ ।
लिवरसम्बन्धी रोगहरुले छिटो आक्रमण गर्न थाल्छन् । अन्य रोगले पनि सजिले समाउन थाल्छ । यसबाट बच्ने एकमात्र उपाय भनेको रोग प्रतिरोधी क्षमता बढाउने नै हो । त्यसका लागि सक्नुहुन्छ भने रक्सी पिउन कम गर्नुस् ।
