१२ जेठ २०७५, धरान
नेपाल तरुण दल सुनसरीका सभापति सिजन गुरुङलाई रिहा गर्न नेपाली कांग्रेस सुनसरीले माग गरेको छ । नेपाली कांग्रेस सुनसरीका सभापति एवम् प्रदेश नं. १ का प्रमुख प्रतिपक्षी दलका नेता राजिव कोइरालाले प्रेस विज्ञप्ति जारी गर्दै गुरुङलाई रिहा गर्न माग गरेका हुन् ।
विज्ञप्तिमा तरुण नेता गुरुङलाई झुटो मूद्दा लगाएर सुनियोजित र षड्यन्त्र पूर्वक पक्राऊ गरिएको दाबी गरिएको छ । गएराती पक्राउ परेका उनलाई निशर्त रिहा नगरे चरणवद्ध आन्दोलनमा उत्रने समेत चेतावनी दिइएको छ ।
गुरुङलाई तरहराकी तीर्थकुमारी गिरीको १० धुर जग्गा कब्जा गरेको आरोप लागेको छ । तर, नेता गुरुङले सो जग्गा आफ्नै भएको बताउँदै आएका छन् ।
गुरुङमाथि अनुसन्धान शुरु भएको प्रहरीले जनाएको छ ।
